“28 May” stansiyasının əsas girişi bağlanır
Bakı metrosunun “28 May” stansiyasının əsas girişi bağlanır. Milli.Az-ın məlumatına görə, stansiya iyunda təmirə dayanacaq.
Bakı Metropoliteninin mətbuat xidmətinin rəhbəri Nəzakət Tarıverdiyeva bildirib ki, stansiyanın iyunda təmirə bağlanacağı və 3-4 ay müddətində təmir olunacağı dəqiqdir. Ancaq konkret hansı gün bağlanacağı dəqiq bilinmir.
Metropoliten rəsmisinin sözlərinə görə, təmir zamanı stansiyanın əsas girişinin eskalatorları təmir olunacaq, müasir avadanlıqlar quraşdırılacaq.
Bakı Metropoliteninin hərəkət xidmətinin baş mühəndisi Elbrus Muradov bildirib ki, stansiya iyunun 10-dan sentyabra kimi bağlı olacaq. Baş mühəndis bu haqda rəsmi məlumatın yayılacağını vurğuladı.
Son Xəbərlər
- 1
- 2
- 3
- 4
- 5
- 6
