12 ildir həbsdə olan azərbaycanlı sahibkar yuxuda öldü - Foto
Rusiya vətəndaşı olan azərbaycanlı sahibkar Barnaul şəhərindəki həbsxanalardan birində dünyasını dəyişib.
“Qafqazinfo”nun Virtualaz.org-a istinadən məlumatına görə, əslən Salyan rayonundan olan 59 yaşlı Şahin Nəriman oğlu Səfərov 1990-cı illərdən Rusiyanın Tümen vilayətinin Xantı-Mansiysk vilayətinə köçüb. O, tikinti materiallarının biznesi ilə məşğul olub, eləcə də istehsal müəssisələri üçün iş geyimləri tikən fabrikin sahibi olub. Son zamanlar biznesi iflas edən Ş. Səfərov 2007-ci ildə həbs olunaraq qaçaqmalçılıq ittihamı ilə 12 il müddətinə azadlıqdan məhrum edilib.
Qohumlarının dediyinə görə, Şahin Səfərov azadlığa çıxmasına cəmi 10 gün qalmış həbsxanada vəfat edib-gecə yatıb, səhər yuxudan ayılmayıb.
Mərhumun cənazəsi Azərbaycana gətirilərək Salyan rayonunda torpağa tapşırılıb.
Son Xəbərlər
- 1
- 2
- 3
- 4
- 5
- 6
