“151 nəfər vətəndaşlıqdan çıxarılıb”

“151 nəfər vətəndaşlıqdan çıxarılıb”
Oxunma sayı: 1227

Xəbər verdiyimiz kimi, bu gün Ağdam rayonunun Quzanlı qəsəbəsində "Vətəni müdafiəyə daim hazırıq" adlı Azərbaycanın işğal olunmuş və cəbhəyanı rayonlarının gənclərinin forumu başlayıb.

"Qafqazinfo"nun tədbirdə iştirak edən əməkdaşının verdiyi xəbərə görə,  DTX rəisinin müavini, general-mayor İlqar Musayev çıxışında deyib ki, bu gün dünyanın müxtəlif yerlərdində indiyədək davam edən hərbi siyasi qarşıdurmaların, terror fəaliyyətinin acı nəticələri məsafələrdən asılı olmayaaraq ölkəmizin də təhlükəsizliyinə təsir göstərir:

"Bunlara xüsusən son illərdə geniş vüsət almış dini radikallaşma meyillərinin güclənməsi, dini pərdə altında terroçu və esktremist fəaliyyətin yayılması kimi faktorlar da aiddir. Təəssüf ki, əksəriyyəti gənclər olan bir qisim Azərbaycan vətəndaşı da radikal və ekstremist təbliğatın təsiri altında ölkəmizə yaxın olan Suriya və İraqda fəaliyyət göstərən terrorçu təşkilatlara qoşulmuşlar. Məlumatlara görə, onların çoxu döyüşlər zamanı öldürülmüşdür. Terrorçu təşkilatlara qoşulmuş 82 nəfər Azərbaycana qayıtdıqdan sonra cinayət məsuliyyətinə cəlb olunub. Qanuna əsasən terrorçu təşkilatların tərkibində döyüşdüklərinə görə son bir ildə 151 nəfər Azərbaycan vətəndaşlığından məhrum edilib".


Daha tez məlumatlanmaq üçün yeni Facebook səhifəmizi