19 min 863 zəng - Bir aya
2017-ci ilin may ayı ərzində Vergilər Nazirliyinin Çağrı Mərkəzinin əməkdaşları tərəfindən canlı əlaqə zamanı daxil olmuş 19 min 863 zəng cavablandırılıb.
"Qafqazinfo" AzərTac-a istinadən xəbər verir ki, vergi ödəyicilərinin məlumatlandırılması məqsədilə onlara 49 min 445, ikitərəfli mesaj xidmətinin istifadəçilərinə isə 60 min 444 SMS göndərilib.
Sözügedən müddətdə Vergilər Nazirliyinin rəsmi internet səhifəsinə 401 min 435 daxilolma qeydə alınıb.
Vergi ödəyicilərinə xidmət strukturlarında 37 min 824 vətəndaş qəbul edilərək onlara 57 min 452 xidmət göstərilib. 2017-ci ilin 1 iyun tarixinə vergi ödəyicilərinə ümumilikdə 314 min 338 “ASAN İmza” sertifikatı verilib.
2017-ci ilin may ayı ərzində 10 min 581 (1394 hüquqi şəxs, 9187 fiziki şəxs) şəxs qeydiyyatdan keçib.
Hesabat dövründə qeydiyyata alınmış təsərrüfat subyektlərinin (obyektlərinin) sayı 3212 olub, 1800 NKA və 585 POS-terminal qeydiyyatdan keçirilib.
Son Xəbərlər
- 1
- 2
- 3
- 4
- 5
- 6
