Fevralın 2-də Astara rayonunun Kolatan kəndində əvvəllər məhkum olunmuş, 41 yaşlı Vüsal Hüseynovun üzərində zorakılıq əlamətləri olan meyitinin yaşadığı evdə tapılıb.
“Qafqazinfo”nun verdiyi xəbərə görə, faktla əlaqədar Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanılıb.
Baş Prokurorluq, Daxili İşlər Nazirliyinin Baş Cinayət Axtarışı İdarəsi və Astara Rayon Polis Şöbəsi əməkdaşlarının həyata keçirdikləri istintaq-əməliyyat tədbirləri nəticəsində qətli törətməkdə şübhəli bilinən Şiyəkəran kənd sakini, əvvəllər məhkum olunmuş Məhəbbət Bağırov tutulub.
Saxlanılan zaman ondan narkotik vasitə olan tiryək də aşkar edilərək götürülüb.
Murad Əhməd