“Abad məhəllə”lərdə idman yarışlarına start verildi

“Abad məhəllə”lərdə idman yarışlarına start verildi
Oxunma sayı: 709

Artıq bir neçə gündür ki, Bakı Şəhər Gənclər və İdman Baş İdarəsi tərəfindən  «Abad məhəllə» layihəsi çərçivəsində paytaxt rayonlarının ərazilərində yeni yaradılmış abad həyətlərdə məhəllələrarası futbol və şahmat yarışlarının təşkili və keçirilməsinə başlanıb. 

Bakı şəhər İH-dən “Qafqazinfo”ya daxil olan xəbərə görə, yeni salınmış məhəllələrdə mini futbol və şahmat turnirləri çərcivəsində ilk yarışa Nizami rayonunda start verib.  Nizami rayon bələdiyyəsinin meydancasında start götürən turnirin rəsmi açılış mərasimində Nizami Rayon İcra Hakimiyyəti Başçısının muavini Gülnaz İsrafilova, Bakı Şəhər Gənclər və İdman Baş İdarəsinin rəisi Raqif Abbasov, Nizami rayon Gənclər və İdman İdarəsinin rəisi Ziyad Əzizov və digər rəsmi şəxslər iştirak etmiş, yarış iştirakçılarını salamlayaraq onlara uğurlar arzulayıblar. Turnir çərçivəsində eyni gündə Yasamal və Nərimanov rayonunlarında 2 həyətdə şahmat yarışlarına, Xəzər rayonunda isə   mini futbol yarışına başlanıb.

Ümümilikdə hər iki mərhəllə üzrə keçiriləcək mini-futbol yarışlarında 130 komanda tərkibində 1300 nəfər, şahmat yarışlarında 200 nəfər yeniyetmənin ( ümümilikdə 1500 nəfər) iştiraki nəzərdə tutulub.



Daha tez məlumatlanmaq üçün yeni Facebook səhifəmizi