ABŞ hökuməti mayın 10-dan etibarən təxminən 200 milyard dollar məbləğində Çin mallarına qarşı rüsumu iki dəfədən çox artırıb.
“Qafqazinfo”nun “Röyters”ə istinadən xəbərinə görə, idxal rüsumu 10%-dən 25%-ə qədər qaldırılıb.
Rəsmi Pekin Vaşinqtonun bu addımına “dərindən təəssüfləndiyini” bildirib və bütün lazımi cavab tədbirlərinin görüləcəyini vəd edib.
Xatırladaq ki, ABŞ prezidenti Donald Tramp mayın 5-də Çinlə aparılan ticari-iqtisadi danışıqların zəif getdiyini əsas gətirərək tariflərin mayın 10-da artırılacağını açıqlamışdı.