Qüdsü İsrailin rəsmi paytaxtı kimi tanıyan ABŞ hökuməti Fələstinə qarşı daha bir addım atıb.
“Qafqazinfo” xarici KİV-ə istinadən xəbər verir ki, ABŞ Dövlət Departamenti Fələstinə edilməsi nəzərdə tutulan 65 milyon dollarlıq yardım təxirə salınıb.
Departament sözçüsü Hazer Nauert bildirib ki, qərarın yenidən gözdən keçiriləcək:
“Yardım ləğv edilməyib, sadəcə dayandırılıb. Bu qərar BMT-də keçirilmiş Qüdslə bağlı səsvermə ilə əlaqədar deyil”.
Qeyd edək ki, BMT-də keçirilən səsvermədə ABŞ-ın Qüdsü İsrailin paytaxtı kimi tanıması qərarı qanunsuz hesab edilmişdi.