ABŞ-ın gizli planı üzə çıxdı - 2 ölkəni 7 yerə böləcək

abs-in-gizli-plani-uze-cixdi
Oxunma sayı: 4349

ABŞ 2018-ci ilin ikinci yarısında İraq və Suriyada 7 ayrı dövlət elan edəcək. “Qafqazinfo” xəbər verir ki, bu barədə Türkiyənin “Yenisafak” saytı Azad Suriya Ordusundakı mənbəsinə istinadən məlumat yayıb. Suriyalı müxalif komandirin sözlərinə görə, Türkiyə Afrin Tel-Abyad və Münbiç məsələsində cəld tərpənməzsə, ABŞ bölgəni geri dönüşü olmayacaq uçuruma sürükləyəcək. 

1991-ci ildə İraq, 2013-cü ildə isə Suriyaya müdaxilə edən ABŞ peşmərgə və PKK-ya legitimlik qazandıra bilmək üçün hər iki ölkədə dünyaya qapalı “butik dövlətlər” yaratmağı planlaşdırıb. 

Suriya ordusunda uzun müddət yüksək məqam tutan, 2013-cü ildə isə müxalif qüvvələrin tərəfinə keçən komandir bildirib ki, ABŞ XİN-i və Pentagon rəsmilərindən olan şəxslərlə Hatay-Reyhanlıda görüşüblər. Bu planı da həmin görüş zamanı açıqlayıblar. 

Komandir ABŞ rəsmilərinin, həmçinin “sünnilər daha fəal olmalıdırlar, əks təqdirdə daha çox zərər görəcəklər”dediyini əlavə edib: “Bizimlə görüşən amerikalılar bizə dost olduqlarını və şərtlərə əməl edərsək, müxalifətin daha güclü dəstəklənəcəyini vəd etdilər”. 

Müxalif komandir Suriyadakı aktiv neft sahələrinin 65 faizinini PKK-ya verildiyini vurğulayıb. 

Komandir bildirib ki, onunla birgə toplantıya qatılan Azad Suriya Ordusunun təmsilçilərinin ABŞ-a cavabı belə olub: 

“Yeddi illik savaş dönəmində sürətli olaraq gözlədilən tərəf olduq. Ölkənin 54 faizinə nəzarət etdiyimiz halda, sizə görə bu gün ölkənin 17 faizinə ancaq nəzarət edə bilirik. Qısası, ABŞ müxaliflərin yanında kreditini çoxdan tükəndirdi”.