ABŞ səfiri tarixi açılışdan danışdı

ABŞ səfiri tarixi açılışdan danışdı
Oxunma sayı: 732

Bu gün Bakıda ABŞ-ın Azərbaycandakı səfirliyinin İxracata Nəzarət və Sərhəd Təhlükəsizliyi (EXBS) idarəsi Kommersiya Tipli Dəmir Yollarında Qadağalara dair təlimə başlayıb.

“Qafqazinfo” Trend-ə istinadən xəbər verir ki, təlimin açılış mərasimində çıxış edən ABŞ-ın Azərbaycandakı səfiri Robert Sekuta bildirib ki, EXBS proqramının Azərbaycan və Gürcüstanla təhlükəsizlik sahəsində uzunmüddətli əməkdaşlıq tarixi var:

“Biz kütləvi qırğın silahlarının yayılmasının qarşısının alınmasında ümumi məqsədləri bölüşürük. Birləşmiş Ştatlar, Azərbaycan və Gürcüstanla sərhəd təhlükəsizliyi məsələlərində yaxından əməkdaşlıq edir və bu cür əməkdaşlıq ölkələrimiz arasındakı əla tərəfdaşlığı gücləndirməyi davam edir. Bu təlim ölkələrimizin kütləvi qırğın silahlarının yayılmasının qarşısının alınmasına, həmçinin Azəbaycan və Gürcüstanın qeyri-qanuni yüklərin aşkarlama və onların daşınmasına qadağa qoyulması sahəsində sübut olunmuş icra bacarıqlarının artırılmasına dair götürdüyü uzunmüddətli öhdəliyi numayiş etdirir. EXBS 1999-cu ildən Azərbaycanda fəaliyyət göstərir və 26.3 milyon ABŞ dolları məbləğində təlim, avadanlıq və dəstəyini təmin etmişdir”.

Bu təlimin məqsədi qeyri-qanuni yüklərin aşkarlanması və qeyri-qanuni daşınmaların qarşısının alınması sahəsində Azərbaycan və Gürcüstanın təcrübələrinin artırılmasıdır. Azərbaycan və Gürcüstanın Avropa, Asiya və Orta Şərqin kəsişməsində yerləşən coğrafi mövqeyi, Rusiya, Ermənistan və İranla həmsərhəd olması, kütləvi qırğın silahlarının yayılmanın qarşısının alınması və sərhədlərin qorunması üzrə ABŞ-Azərbaycan-Gürcüstan strateji əməkdaşlığın möhkəmləndirilməsini vacib edir.

Həmçinin Bakı-Tbilisi-Qars (BTQ) dəmir yolunun açılışından danışan səfir deyib ki, bu  Avrasiya boyunca daha yaxşı ticarət və əlaqələrin qurulması istiqamətində atılan növbəti mühüm bir addımdır. Səfir bildirib ki, BTQ dəmir yolu İpək Yolu üçün böyük əhəmiyyətə malikdir: “Biz uzun müddət İpək Yolunun əhəmiyyəti barədə danışırdıq və hesab edirəm ki, bugünkü açılış da bu istiqamətdə atılan növbəti bir addımdır”.
Qeyd edək ki, bu gün Azərbaycan paytaxtında Bakı-Tbilisi-Qars dəmir yolunun rəsmi açılış mərasimi keçiriləcək.


Daha tez məlumatlanmaq üçün yeni Facebook səhifəmizi