Ağcabədi rayonunun Hüsülü kəndində məcburi köçkünlərin məskunlaşdığı binada yanğın baş verib.
“Qafqazinfo” APA-ya istinadən xəbər verir ki, əvvəllər kənd klubu kimi fəaliyyət göstərən binada yanğın elektrik naqilində qısaqapanma nəticəsində baş verib.
Ümumilikdə 6 məcburi köçkün ailənin yaşadığı binada yanğın zamanı 3 ailənin yaşadığı otaqlar - 192 kvadratmetr yaşayış sahəsi yanıb.
Binada fəaliyyət göstərən Hüsülü kənd uşaq bağçasının əşyaları otaqdan çıxarılıb.
Hadisə zamanı xəsarət alan olmayıb.