““Ağıllı-ağıllı” əhkam kəsənlər bilməlidirlər ki...” - Komitədən iddialara sərt cavab

““Ağıllı-ağıllı” əhkam kəsənlər bilməlidirlər ki...”
Oxunma sayı: 2289

Dövlət Gömrük Komitəsi (DGK) Qazax rayonu, Çaylı kənd sakini Əliyev Eyvaz İsa oğlu tərəfindən yazıldığı bildirilən ittihamlara cavab verib.

Komitədən “Qafqazinfo”ya bildirilib ki, məktubun əvvəlində Gürcüstanla sərhəddə yerləşən “Sınıq Körpü”  gömrük postunda idxal əməliyyatları zamanı guya qanunsuzluqlara yol verilməsi ilə bağlı iddialar hər hansı fakta söykənmədiyindən qeyri-ciddi hesab olunur və müəllifin şəxsi təxəyyülünün məhsuludur:

“E.Əliyevinguya gömrük-keçid məntəqəsində gömrük əməkdaşlarının öz işinə etinasız yanaşması nəticəsində saat 14:30-dan 16:10-dək gözləməsi ilə bağlı iddiasına gəlincə isə Dövlət Gömrük Komitəsinin Vahid Avtomatlaşdırılmış İdarəetmə Sistemi (VAİS) vasitəsilə aparılan araşdırma nəticəsində məlum olub ki, Əliyev Eyvaz 06 iyul 2018-ci il tarixdə saat 15:46-da Gürcüstan istiqamətindən idarə etdiyi avtomobillə gömrük postunun ərazisinə daxil olub və 16:21-də gömrük postunun ərazisini tərk edib. Yəni müəllifin iddia etdiyi kimi o postun ərazisində 1 saat 40 dəqiqə deyil cəmi 35 dəqiqə qalıb və bu müddət ərzində o pasport qeydiyyatından, “1 pəncərə” sistemi vasitəsilə rəsmiləşdirmə proseslərindən keçməklə yanaşı, həm də onun şəxsi avtomobilinə gömrük baxışı keçirilib”.

Qurumdan bildirilib ki, VAİS vasitəsilə aparılan araşdırma zamanı Əliyev Eyvaz İsa oğlunun müntəzəm olaraq Gürcüstana səyahət etdiyi və hər dəfə özü ilə müxtəlif növ məhsullar gətirdiyi məlum olub:

“Onu da qeyd edək ki, E.Əliyev ictimailəşdirdiyi iddialarla bağlı Dövlət Gömrük Komitəsinə və onun hər hansı qurumuna müraciət etməyib.

Maraqlı məqam isə ondan ibarətdir ki, əyalətdə yaşayan bu şəxsin hər hansı səbəbdən məlumatsız olduğunu nəzərə alaraq gömrük orqanları haqqında əsassız iddialar irəli sürməsi bəlkə də başa düşüləndir.

Ancaq hər hansı fakta söykənmədən əsassız iddialarla ölkənin strateji dövlət qurumunun fəaliyyəti barədə “ağıllı-ağıllı” əhkam kəsən bəzi media qurumları və onların əməkdaşları bilməlidirlər ki, qanunvericiliyə əsasən hər hansı qurum və şəxs haqqında irəli sürdükləri iddiaları həmin qurum və ya şəxsdən rəsmi cavab aldıqdan sonra ictimailəşdirməli və ya yayımlamalıdırlar. Əks halda irəli sürdükləri iddialar yalan, böhtan və qərəz xarakteri daşıyaraq qanunvericilik qarşısında məsuliyyət yaradır”.

DGK komitənin fəaliyyəti ilə bağlı məlumatları yayımlayarkən qarşı tərəfin də rəsmi mövqeyini öyrənməyi və qanunvericiliyə əməl etməyi tövsiyə edib.


Daha tez məlumatlanmaq üçün yeni Facebook səhifəmizi