Aİ Azərbaycandakı nümayəndəliyinə yeni rəhbər təyin etdi
Avropa İttifaqının (Aİ) Azərbaycandakı nümayəndəliyinin yeni rəhbərinin adı məlum olub.
“Qafqazinfo” xəbər verir ki, Aİ-dəki mənbələrdən “Report”a verilən məlumata görə, bu vəzifəyə litvalı diplomat Kestutis Yankauskas (Kestutis Jankauskas) gətirilib. Onun təyinatı ilə bağlı rəsmi xəbər yaxın günlərdə açıqlanacaq.
Məlumata görə, Aİ nümayəndəliyinin yeni rəhbəri Azərbaycana sentyabrın əvvəlində gələcək.
Qeyd edək ki, K.Yanauskas 1991-ci ildən bəri Litva Xarici İşlər Nazirliyində işləyir və bundan əvvəl Litvanın Vaşınqtonda və Stokholmdakı səfirliklərində çalışıb. Azərbaycana təyinatından öncə o, Aİ-nin Gürcüstandakı monitorinq missiyasına rəhbərlik edirdi.
Son Xəbərlər
- 1
- 2
- 3
- 4
- 5
- 6
