Amerikalı müğənni Ariana Qrande İngiltərənin Mançester şəhərinə qayıdaraq terror qurbanlarının xatirəsinə xeyriyyə konserti vermək istəyir.
“Qafqazinfo” xarici KİV-ə istinadən xəbər verir ki, bu barədə ifaçı tvitter hesabında bildirib.
“Mən cəsur Mançester şəhərinə fanatlarımla görüşmək və qurbanlarının (terror-red) xatirəsinə xeyriyyə konserti vermək üçün qayıdacam”,-deyə müğənni vurğulayıb.
O, konsertin nə vaxt olacağı ilə bağlı dəqiq məlumat verməyib.
Qeyd edək ki, mayın 22-də “Mançester Arena” Ariana Qrandenin konserti zamanı terror aktı baş verib. İntiharçı-terrorçu Salman Abedinin özünü partlatması nəticəsində 12-si uşaq olmaqla 22 nəfər həlak olub.