Arif Qasımov rayon sakinləri ilə görüş keçirib

Arif Qasımov rayon sakinləri ilə görüş keçirib
Oxunma sayı: 480

Mayın 22-də Nizami Rayon İcra Hakimiyyətinin başçısı Arif Qasımovun B.Nuriyev küçəsi 10a, 12 və Babək prospekti 79 saylı binaların sakinləri ilə növbəti səyyar qəbul-görüşü keçirilib.

"Qafqazinfo" xəbər verir ki, səyyar qəbulda icra başçısı Arif Qasımov rayonda aparılan abadlıq və yenidənqurma işlərindən, əhalinin sosial problemlərinin həlli istiqamətində həyata keçirilən tədbirlərdən və bu sahədə qarşıda duran vəzifələrdən ətraflı danışıb.

Qəbulda sakinlər tərəfindən onları narahat edən məsələlərlə bağlı verilən suallar icra başçısı tərəfindən ətraflı cavablandırılıb, onları maraqlandıran məsələlər ətrafında müzakirələr aparılıb.

Səyyar qəbulda çıxış edən sakinlərin yaşadıqları binaların dam örtüklərinin təmiri, girişlərin işıqlandırılması, məhəllənin abadlaşdırılması və digər sosial problemləri dinlənilib, onların rəy və təklifləri nəzərə alınıb, müraciətlərdən bir qismi yerindəcə həll edilib, digərləri isə əlavə araşdırmalara ehtiyac olduğuna görə aidiyyəti təşkilatlara həll edilməsi üçün müvafiq tapşırıqlar verilib və nəzarətə götürülüb.




Daha tez məlumatlanmaq üçün yeni Facebook səhifəmizi