Arif Qasımovun sakinlərlə növbəti görüşü oldu - Fotolar

Arif Qasımovun sakinlərlə növbəti görüşü oldu
Oxunma sayı: 337

Nizami Rayon İcra Hakimiyyətinin başçısı Arif Qasımovun rayon sakinləri ilə növbəti səyyar qəbul-görüşü keçirilib.

“Qafqazinfo” xəbər verir ki, Arif Qasımov 1 №-li Bakı İdman Liseyində (277 №-li idman məktəbi) Qara Qarayev prospekti 74, 76, 78, 80 və 82a ünvanlarında yaşayan sakinlərlə görüşüb.

Qəbulda İcra başçısı rayonda aparılan abadlıq və yenidənqurma işlərindən, əhalini narahat edən problemlərin həlli istiqamətində həyata keçirilən tədbirlərdən danışaraq, görülən işlərin bundan sonra da davam etdiriləcəyini bildirib.

Qəbulda sakinlər binaların pilləkən qəfəsələrinin və istilik sistemlərinin təmiri, küçə işıqlarının bərpası, zirzəmilərin dezinfeksiya edilməsi, liftlərin yenilənməsi, həyətlərin asfaltlanması və digər sosial problemlərlə bağlı A.Qasımova müraciət ediblər.

Rayon rəhbəri tərəfindən vətəndaşların təklif, müraciət və şikayətləri dinlənilib, onları narahat edən bu və ya digər məsələlərlə bağlı verdikləri suallar ətraflı cavablandırılıb.
Vətəndaşların müraciətlərində qaldırılan məsələlərin böyük bir qismi yerindəcə həll olunub, araşdırılmasına ehtiyac olan bir sıra məsələlərin isə qanunvericiliyə uyğun, operativ həlli üçün aidiyyəti qurumların rəhbərlərinə müvafiq tapşırıqlar verilib.

 






Daha tez məlumatlanmaq üçün yeni Facebook səhifəmizi