“AtaBank” zamin qadını həbs etdirib

“AtaBank” zamin qadını həbs etdirib
Oxunma sayı: 3776

Sabunçu rayon Məhkəməsinin qərarı ilə “AtaBank”dan kredit götürən şəxsə zamin duran qadın həbs edilib.

“Qafqazinfo”nun verdiyi xəbərə görə, bu barədə vəkil Əkrəm Həsənov məlumat verib.

O bildirib ki, hakim Süleyman Ağayev “AtaBank”dan götürülən kreditə zamin duran Lalə Bunyatovanı 10 gün müddətinə inzibati qaydada həbs edib. 

Buna səbəb isə onun zamin durduğu şəxsin banka 8701 manat borcu qalmasıdır.

L.Bunyatova “Azərbaycan Dəmir Yolları” QSC-nin əməkdaşıdır.

Ə.Həsənov qeyd edib ki, lakin icra məmuru bunu müəyyən etməyib və əmək haqqına tutma yönəltmək əvəzinə xanımın həbsi barədə məhkəməyə təqdimat verib. Əsas həm də odur ki, xanım borc üzrə haqqında məhkəmə qərarının olmasını yalnız oktyabrın 4-də, həbsindən 13 gün əvvəl bilib. Buna qədər ona heç bir sənəd göndərilməyib. 

Vəkil bildirib ki, qərardan apellyasiya şikayəti veriləcək.

Qeyd edək ki, bank kredit borcu olan şəxsin özünü tapa bilməyib.

Mövzu ilə bağlı “AtaBank”la əlaqə saxlasaq da, bu barədə açıqlama verməyəcəklərini bildiriblər.

***

Məsələ ilə bağlı Unikal.org-a "Azərbaycan Dəmir Yolları” QSC-nin İctimaiyyətlə əlaqələr şöbəsinin rəisi Sevinc Qədirova sözügedən xanımın təmsil etdiyi qurumda çalışdığını təsdiqləyib:

"Lalə Bunyatova Bakı-Xarkov-Bakı qatarında bələdçi vəzifəsində çalışır. O, dünən işə çıxmalı idi. Araşdırma zamanı məlum olub ki, Lalə Bunyatova məlum hadisəyə görə, həbs edilib”.

Murad Əhməd



Daha tez məlumatlanmaq üçün yeni Facebook səhifəmizi