“Atam məni puluma görə istəyir” - Rəqsanənin qızı

atam-meni-puluma-gore-isteyir
Oxunma sayı: 8127

“Doğma atamla salam-sağolumuz yoxdur. Ata başqa bir şeydir. Yanımdan keçsə, onu tanımaram”. 

“Qafqazinfo” xəbər verir ki, bu sözləri müğənni Rəqsanə İsmayılovanın qızı Aysun İsmayılova “Səhər-Səhər” proqramına qonaq olarkən deyib. 

O, verilişdə anasının indiki həyat yoldaşı Fazil Əmiraslanova “ata” dediyini bildirib:“Çünki mən atamı 14 yaşımda axtarmışam və tapmışam. Amma o insan məni qəbul etmədi. Dedi ki, məni istəmir, bu adda övladım yoxdur. Niyəsini bilmirəm.

Üstündən bir müddət keçdi. Artıq tanınıram və  nənəm, anama zəng edirlər ki,  atası Aysunu görmək istəyir. Gözüm aydın! İndi pulum var deyə məni görmək istəyir. 10 ilə yaxındır ki, bir atam var, o da anamın həyat yoldaşıdır. Mən atalığı o insanda bilmişəm. O öz uşaqlarından daha çox mənə can yandırır”.