“Atəşgah” 17,3 milyon manat sığorta ödənişi edib

atesgah-173-milyon-manat-sigorta-odenisi-edib
Oxunma sayı: 1937

Azərbaycanın sığorta şirkətlərindən olan “Atəşgah” Sığorta Şirkəti və “Atəşgah Həyat” Sığorta Şirkəti 2017-ci ilin nəticələrini açıqlayıb. 

"Qafqazinfo" xəbər verir ki, “Atəşgah” SŞ-nin İdarə Heyətinin sədri Azər Əliyevin sözlərinə görə, “Atəşgah” SŞ-nin 2017-ci il üzrə hesablanmış sığorta haqqı 39 069 682 AZN olub. Verilmiş sığorta ödənişləri isə 17 388 355 AZN təşkil edib ki, bu da 2016-ci il ilə müqayisədə 1 527 173 AZN (9,63%) çoxdur.

Avtomobil sahiblərinin mülki məsuliyyətinin icbari sığortası üzrə ödənişlər keçən il 10 804 001 AZN təşkil edib ki, bu da 2016-ci ilin göstəricisi ilə müqayisədə 513 693 AZN (4,99%) çoxdur. 

“Atəşgah” Sığorta Qrupuna daxil olan “Atəşgah Həyat” Şirkətində 2017-ci il üzrə hesablanmış sığorta haqları 39 359 348 AZN olub. Bu isə 2016-ci ilin göstəricisi ilə müqayisədə 2 249 352 AZN (6,06%) çox olub. Verilmiş sığorta ödənişləri isə 54 852 968 AZN təşkil edib ki, bu da 2016-ci il ilə müqayisədə 26 539 194 AZN (93,73%) çoxdur.  Həyatın yaşam sığortası üzrə isə ödənişlər 52 184 169 AZN olub ki, bu da 2016-ci ilin göstəricisi ilə müqayisədə 25 124 482 AZN (92,85%) çoxdur.

Ümumilikdə 2017-ci il üzrə İstehsalatda bədbəxt hadisələrdən icbari sığorta üzrə 1 737 978 AZN, həyat sığortasının digər növləri üzrə isə ümumilikdə 53 876 451 AZN ödənilib. 

“Geridə qoyduğumuz 2017-ci il, cari ildə bizə daha dayanıqlı olmağı, daha uzaqgörən olmağı öyrətdi. Hazırkı bazar şəraitinə uyğunlaşmaq üçün yeni planlar və strategiyalar qurmağa, onları həyata keçirmək üçün yollar axtarmağa kömək etdi və yeni bazarlarda xidmətlərimizi təklif etməyi tezləşdirdi. Ona görə, 2017-ci ili “Atəşgah” SŞ və “Atəşgah Həyat” SŞ üçün çox müsbət dəyərləndirirəm. Əminəm ki, bu il bizim üçün daha da uğurlu olacaq” – deyə, “Atəşgah” SŞ-nin İdarə Heyətinin sədri Azər Əliyev bildirib.

“Atəşgah” SŞ 1996-ci ildə yaranıb. 2003-cü ildə Azərbaycan sığorta şirkətləri arasında ilk olaraq İSO 9001:2000 beynəlxalq standartı üzrə idarəetmə sistemində keyfiyyətə nəzarət üzrə sertifikat almışdır. Şirkət 2014-cü ildən İcbari Sığorta Bürosunun üzvüdür.