Avropa Parlamentindən Zukerberqə növbəti çağırış
Feysbukda 80 milyon nəfərin məlumatlarının “Cambridge Analytica” şirkəti tərəfindən siyasi məqsədlər üçün istifadə edilməsinin üzə çıxmasından sonra Avropa Parlamenti də sərt açıqlamalar verib.
“Qafqazinfo” xarici KİV-ə istinadən xəbər verir ki, AP-nin Strasburqda keçirilən ümumi yığıncağında məsələ ilə bağlı plenar iclas keçirilib.
Qurumun prezidenti Antonio Tacani Feysbuk şirkətinin rəhbərini həmin skandala görə Avropa vətəndaşlarına hesabat verməyə növbəti dəfə çağırıb. O qeyd edib ki, Feysbuk Avropa İttifaqına üzv olan İrlandiyada qeydiyyatdadır və buna görə Aİ-nin qanunlarına riayət etməlidir.
Qeyd edək ki, M.Zukerberq 1 həftə öncə ABŞ Konqresində dinləmələrdə iştirak etmiş və senatorların suallarını cavablandırmışdı. O, məlum hadisəyə görə üzr istəmişdi.
Son Xəbərlər
- 1
- 2
- 3
- 4
- 5
- 6
