Avtomobil idxalında artım qeydə alınıb
Bu ilin yanvar-fevral aylarında Azərbaycana 1 003 ədəd avtomobil idxal olunub.
“Qafqazinfo” xəbər verir ki, Dövlət Gömrük Komitəsinin yaydığı xəbərə görə, bu, ötən ilin eyni dövrü ilə müqayisədə 182 ədəd yaxud 22,17% çoxdur. Hesabat dövründə ölkəyə gətirilmiş avtomobillərin 852-si və yaxud 85%-ni əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri təşkil edib. Son bir ildə bu növ avtomobillərin idxalı 115 ədəd yaxud 15,6% artıb. Sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələrinin idxalı 4 ədəd və yaxud 44,4% azalaraq 5-ə düşüb, yük avtomobillərinin idxalı isə 72 ədəd və yaxud 2,1 dəfə artaraq 139-a çatıb. Xüsusi təyinatlı motorlu nəqliyyat vasitələrinin idxalında isə azalma olub və bu rəqəm ötən ilin yanvar-fevralı ilə müqayisədə 1 ədəd və yaxud 12,5% azalaraq 7 olub.
Son Xəbərlər
- 1
- 2
- 3
- 4
- 5
- 6
