Avtoriteti öldürənin məhkəməsi olub - “Evimə bıçaqla gəlmişdi...”

Avtoriteti öldürənin məhkəməsi olub
Oxunma sayı: 2246

Bu gün Bakı Ağır Cinayətlər Məhkəməsində kriminal avtoriteti öldürməkdə təqsirləndirilən Elxan Ağayevin cinayət işi üzrə məhkəmə prosesi keçirilib.

"Qafqazinfo"nun verdiyi xəbərə görə, hakim Mayıl Bayramovun icraatında olan prosesdə ittiham aktını elan edilib.

E.Ağayev onu öldürdüyünü  etiraf edib: "Evimə əlində bıçaqla gəlmişdi, məni vurmaq istəyəndə onu qabaqlayıb vurdum.

Mərhumun qızı Aytən Baləhmədova isə deyib ki, Elxan onların evinə gələrək atasını öldürüb.

İttihama görə, hadisə 2017-ci il martın 22-də Lökbatan qəsəbəsində baş verib. Qəsəbə sakini, 41 yaşlı Elxan Şıxbaba oğlu Ağayev aralarında yaranmış mübahisə zəminində qohumu, 66 yaşlı Baləhməd Əliməmməd oğlu Baləhmədovu bıçaqla qətlə yetirib.

E.Ağayev əvvəllər Cinayət Məcəlləsinin 234, 126 və 207-ci maddələri ilə məhkumluq həyatı yaşayıb.

Saxlanılan şəxs ifadəsində bildirib ki, 1 ay bundan əvvəl B.Baləhmədov onu bıçaqlayıb. İndi isə E.Ağayev qisas məqsədilə B.Baləhmədovu öldürüb.

Mərhum B.Baləhmədov da 30 ildən yuxarı məhkumluq həyatı yaşayıb və kriminal aləmdə “Yaşa Bakinski” ləqəbi ilə tanınıb.

Murad Əhməd


Daha tez məlumatlanmaq üçün yeni Facebook səhifəmizi