Axtarışda olan qadın həbs edildi - Kriminal xəbərlər
Noyabrın 3-ü saat 18 radələrində Buzovna – Mərdəkan yolunda Mirzə Seyidov idarə etdiyi «Nissan» markalı avtomobillə Şükrət Qəhrəmanovu vurmuş, nəticədə piyadaçı hadisə yerində ölmüşdür.
Oktyabrın 30-da Sabunçu qəsəbəsində İbrahim Əhmədov idarə etdiyi «Otoyol» markalı avtobusla Amin İmanlını vurmuş, nəticədə piyadaçı noyabrın 3-də 3 saylı Şəhər Kliniki Xəstəxana ölmüşdür.
Binəqədi RPİ 7-ci PB-nin əməkdaşlarının keçirdiyi əməliyyat-axtarış tədbirləri nəticəsində AR CM-in 180-ci (soyğunçuluq) maddəsi ilə axtarışda olan Türkan Məmmədova yaxalanmışdır.
Səbail RPİ 8-ci PB-nin əməkdaşlarının keçirdikləri əməliyyat-axtarış tədbirləri nəticəsində AR CM-in 178-ci (dələduzluq) və 320-ci (rəsmi sənədləri, dövlət təltiflərini, möhürləri, ştampları, blankları saxtalaşdırma, hazırlama, satma və ya saxta sənədlərdən istifadə etmə) maddələri ilə axtarışda olan Aşur Kazımov yaxalanmışdır.
Nizami RPİ 25-ci PB-nin əməkdaşlarının keçirdikləri əməliyyat tədbirləri nəticəsində Şərifli küçəsində kirayədə yaşayan, əvvəllər məhkum olunmuş Mirqədir Mahmudovun yaşadığı evin həyətində yerləşən toyuq hinindən 200 qram narkotik maddə olan marixuana aşkar edilərək götürülmüşdür.
Son Xəbərlər
- 1
- 2
- 3
- 4
- 5
- 6
