Aysel Trudel “LuxCartel”lə əməkdaşlığa başladı
Nyu-Yorkda yerləşən “LuxCartel” moda evinin sahibəsi, Beyons və Aleksa Çanq kimi dünya şöhrətli ulduzları dəbli əşyalarla təmin edən Natalya Ponyatovski-Rovner azərbaycanlı biznes-ledi Aysel Trudellə əməkdaşlığa başlayıb.
“Qafqazinfo”nun “Tatler.ru”ya istinadən məlumatına görə, Moskvada Trudelə məxsus “Aziel” butikində “LuxCartel”in əşyaları satılacaq. Bu münasibətlə də tərəfdaşlar və bir neçə məşhur sima yapon restoranı “Seiji”də nahar ediblər.
Qeyd edək ki, Aysel Trudel (Hüseynova) Moskvanın ən bahalı butiklərindən olan “Soho”, “Aizel’s Secret” və “Agent Provocateur” dükkanlarının sahibidir. “Marc Jacobs”, “Stella McCartney”, “Matthew Williamson”, “Michael Kors”, “Oscar de la Renta”, “Donna Karan”, “Ruffo”, “Alessandro DellAsqua”, “Helmut Lang”, “Calvin Klein Collection”, “Burberry Prosum”, “Celine”, “Lanvin” və “Christian Laboutin” kimi super brendləri Rusiya bazarında təmsil edir.
38 yaşlı azərbaycanlı biznes-ledinin həyat yoldaşı isə kanadalı memar Lui Trudeldir. Cütlüyün iki övladı var.
Son Xəbərlər
- 1
- 2
- 3
- 4
- 5
- 6
