Bakıda dənizdə batmaq təhlükəsi ilə üzləşən şəxs xilas edilib.
“Qafqazinfo”nun Fövqəladə Hallar Nazirliyinə istinadən (FHN) məlumatına görə, FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinə Bakı şəhəri, Xəzər rayonunda 1 nəfərin dənizdə çimərkən batmaq təhlükəsi ilə üzləşməsi barədə məlumat daxil olub.
Dərhal Xidmətin xilasediciləri hadisə yerinə cəlb olunaraq vətəndaşı sudan çıxarıblar.