Mayın 3-də rəsmən fəaliyyətini dayandıran və növbəti mövsümdən etibarən “Şüvəlan” adı altında ölkə çempionatının birinci divizionunda çıxış edəcək AZAL baş məşqçi Tərlan Əhmədovla yollarını ayırıb.
“Qafqazinfo” sport24.az-a istinadən xəbər verir ki, dünən klub rəhbərliyi Tərlan Əhmədovla əməkdaşlıga son qoyulması ilə baglı qərar qəbul edib.
Klub rəhbərliyi ona işlədiyi dövr ərzində göstərdiyi xidmətlərə görə minnətdarlıgını bildirərək qəbul olunmuş qərar haqda Tərlan Əhmədovu məlumatlandırıb.
Qeyd edək ki, Tərlan Əhmədov 2014-cü ildən AZAL-ın "sükanı arxası"nda idi.