Azərbaycanda avtobus maşınla toqquşdu - 3 ölü, 15 yaralı+Video
“Qafqazinfo”nun FHN-in rəsmi saytına istinadən verdiyi məlumata əsasən, Ağdaş-Mingəçevir yolunun 15-ci km-də Şıxlı kəndi ərazisində Ağdaş-Mingəçevir marşurutu ilə hərəkət edən vətəndaşa məxsus "Mercedes" markalı mikroavtobusu "BMW" minik avtomobili ilə toqquşması nəticəsində yol-qəza hadisəsi baş verib. Nəticədə mikroavtobusun sürücüsü, mikroavtobusda olan 14 nəfər sərnişin və minik avtomobilində olan sərnişinlər müxtəlif bədən xəsarəti alıb.
Yanğınsöndürən-xilasedicilər hadisə yerinə çatana kimi xəsarət alanlar təcili yardım xidməti və vətəndaşlar tərəfindən Ağdaş rayon mərkəzi xəstəxanasına aparılıb.
Minik avtomobilinin sürücüsü A. X. Orucov və avtomobildə olan sərnişinlər 1960-cı il təv. Məmmədov Maarif Möhsüm oğlu və 1967-ci il təv. Əliyev Mürvət Həmid oğlu aldığları ağır bədən xəsarətlərindən hadisə yerində vəfat edib.
Sıxılmış vəziyyətdə qalmış meyitlər yanğınsöndürən-xilasedicilər tərəfindən müxtəlif alətlərdən istifadə olunmaqla avtomobildən çıxarılaraq aidiyyatı üzrə təhvil verilmişdir. Hadisə ilə əlaqədar müvafiq qurumlar tərəfindən təhqiqat aparılır. Əməliyyat 18.35-də başa çatıb.
Son Xəbərlər
- 1
- 2
- 3
- 4
- 5
- 6
