Azərbaycanda bu banklara məxsus 12 maşın satıldı - Açıq hərracda

azerbaycanda-bu-banklara-mexsus-12-masin-satildi-aciq-herracda
Oxunma sayı: 6123

Azərbaycan Respublikası Xammal və Əmtəə Birjası yanvarın 16-da Əmanətlərin Sığortalanması Fondunun sifarişinə əsasən ləğv prosesində olan bir sıra bankların balansında olan əmlakların satışı üzrə açıq hərrac keçirib.
 
Fonddan “Qafqazinfo”ya verilən məlumata görə, keçirilən açıq hərracın nəticələrinə əsasən, ləğv prosesində olan QSC “Bank Standard” KB-nin balansında olan 1 ədəd “Mercedes-815” yük avtomobili, 1 ədəd “Fiat Doblo Cargo”, 3 ədəd “Mitsubishi Lancer”, 4 ədəd “Hyundai Accent” minik avtomobilləri və 1 ədəd embosser “Matica Z9”  satılıb.
 
Həmçinin ləğv prosesində olan “Atrabank” ASC-nin balansında olan 1 ədəd “Mitsubishi Pajero”, 1 ədəd “Ford Focus” minik avtomobilləri, 1 ədəd HCM (bank avadanlığı) və 1(bir) ədəd embosser “Matica Z3” satılıb.