Azərbaycanda dərslər iki günlük dayandırıldı
Təhsil naziri Ceyhun Bayramov Nazirlər Kabinetinin 2019-cu il 16 yanvar tarixli sərəncamının icrasını təmin etmək məqsədi ilə “Təhsil müəssisələrində təlim-tərbiyə prosesinin dayandırılması barədə” əmr imzalayıb.
“Qafqazinfo” xəbər verir ki, əmrə əsasən, hava şəraitinin kəskin pisləşəcəyi ilə əlaqədar 2019-cu il yanvarın 17-si və 18-i respublika ərazisində fəaliyyət göstərən bütün təhsil müəssisələrində təlim-tərbiyə prosesi dayandırılır və tədrislə bağlı tədbirlər təxirə salınır.
Qeyd edək ki, bura bütün ümumtəhsil müəssisələri, ilk peşə təhsil müəssisələri, orta ixtisas, ali məktəblərdə istənilən növ tədris tədbirləri- dərs, imtahan, kollokvium və sairə daxildir.
Eyni zamanda, istər dövlət, istər özəl təhsil müəssisələri və uşaq bağçaları da bu siyahıya aiddir.
Son Xəbərlər
- 1
- 2
- 3
- 4
- 5
- 6
