“Qafqazinfo” xəbər verir ki, bu sözləri "İnter"in prezidenti Georgi Nikolova cavab olaraq Korner.az-a açıqlamasında "Neftçi"nin Mətbuat və İctimaiyyətlə Əlaqələr Departamentinin rəhbəri Gündüz Abbaszadə deyib.

Abbaszadə bildirib ki, Nikolovun "Neftçi"nin vicdanındakı ləkə böyükdü" sözləri Azərbaycanın dəyərinin təhqir olunmasıdı: "Nizami yaxşı deyib: “Kamil bir palançı olsa da insan, yaxşıdır yarımçıq papaqçılıqdan” Nə isə özu bilər. Bu adamın dünən jurnalistliyi tutub. Çünki, bir azarkeş “qos-po-din” Nikolova mövzu verib. Və bu azarkeşin güdazına bütün “Neftçi” gedib. Adam deyir ki, stadionun ot örtüyündəki ləkə “Neftçi”nin vicdanında ləkədi. Cənab Nikolov, “Neftçi” bu xalqın milli dəyəridi. Bu xalq “Neftçi”yə görə zamanında nələrdən keçib, bilirsiniz? Hardan biləsiniz? Ona görə də, sözlərinizin Azərbaycanın dəyərinə təhqir olduğunun fərqində deyilsiniz. Hansısa azarkeşə görə, bu xalqın dəyərini təhqir edən gərək ki, bağışlanmasın. Sizin məntiqinizlə bütün bolqar xalqının vicdanında ləkə var? Bayraq yandıran xuliqana görə, mən bunu heç vaxt iddia etmərəm. Özü də stadionda təhlükəsizliyə görə cavabdehliyi meydan sahibi daşıyır. Əgər, o azarkeş stadiona pirotexniki məmulat keçirirsə, cavabdeh sizsiniz".

"Neftçi" rəsmisi Nikolovun açıqlamalarını məğlubiyyətə bəhanə hesab etdiyini də deyib: "Nikolovu gözəl anlayıram. Məğlubiyyət acıdı. Ona don geyindirmək lazımdı. Bundan gözəl fürsət? Hər halda, bolqar xalqı təkcə nikolovları yetişdirməyib axı? Bolqarıstanın məhşur klarnet ustası var. İvo Papazov. Nikolovdan fərqli olaraq, onun çaldığı hava sümüyə düşəndi. Bu millətin dəyərləri üçün canından keçməyə hazır olanlar var, cənab Nikolov! Amma, biz qonaqpərvər xalqıq. Sizi bağışlayarıq. Yetər ki, üzr istəməyə cəsarətiniz olsun!"