Azərbaycanda universitet bağlandı
Azərbaycanda özəl universitetlərdən biri fəaliyyətini dayandırıb.
Təhsil Nazirliyinin mətbuat xidmətindən “Qafqazinfo”ya daxilı olan məlumata görə, Bakı Asiya Universiteti Təhsil Nazirliyinə müraciət edərək, universitetin fəaliyyətinin müvəqqəti dayandırılması barədə bu ali məktəbin Elmi Şurasında qərarın qəbul edildiyini bildirib.
Universitet nazirlikdən hazırda təhsil alan tələbələrin digər ali təhsil müəssisələrində yerləşdirilməsini xahiş edib.
Təhsil Nazirliyi tərəfindən Bakı Asiya Universitetinin xahişi təmin olunub və 8 ixtisas üzrə təhsil alan 270 tələbənin digər universitetlərdə təhsillərinin davam etdirilməsinə razılıq verilib. Tələbələrin müvafiq ali təhsil müəssisələrinə yerləşdirilməsi mərkəzləşdirilmiş qaydada aparılacaq və proses sentyabrın 10-dək başa çatdırılacaq.
Son Xəbərlər
- 1
- 2
- 3
- 4
- 5
- 6
