Azərbaycanın 20 ildir axtardığı cinayətkar tapıldı - Başqasının pasportu ilə...
İyirmi ildir Rusiyada başqa adla gizlənən Azərbaycandan olan cinayətkar dəstənin lideri Moskvada saxlanılıb.
“Qafqazinfo” Rusiya KİV-nə istinadən xəbər verir ki, Cənubi Qafqazdan olan 49 yaşlı şəxs Azərbaycanda törətdiyi soyğun, adam oğurluğu və banditizmə görə beynəlxaq axtarışa verilmişdi.
O, SSRİ vətəndaşı olmuş birinin pasportundan istifadə edərək 1997-ci ildən bəri cinayət məsuliyyətindən yayınıb. Hüquq-mühafizə orqanları müəyyən ediblər ki, bu adda və əlamətlərdə Azərbaycanda yaşayan şəxs tamamilə başqa biridir.
Həmin şəxsin kirayə qaldığı evdə axtarış aparılan zaman İJ-70 döyüş tapançası, “Brauninq”, 23 patron, həmçinin Qazaxıstan vətəndaşının saxta pasportu tapılıb.
***
Rusiya hüquq-mühafizə orqanlarından APA-nın Moskva müxbirinə bildirilib ki, saxlanılan şəxs Azərbaycan vətəndaşı, 1969-cu il təvəllüdlü Akif Rüstəmovdur.
Son Xəbərlər
- 1
- 2
- 3
- 4
- 5
- 6
