Azərbaycanın elektrik enerjisi hasilatı artıb
2014-cü ilin yanvar ayında istehsal edilən elektrik enerjisinin ümumi həcmindən 2,02 milyard kilovat-saatdan çoxu istilik elektrik stansiyalarının payına düşüb ki, bu da ötən ilin yanvar ayının göstəricisindən 2,9 faiz çoxdur.
Yanvarda su elektrik stansiyalarında 1,37 milyard kilovat-saata yaxınelektrik enerjisi istehsal olunub. Bu, ötən ilin analoji dövr göstəricisindən 6,2 faiz çoxdur.
2013-cü ildə Azərbaycanda 20,63 milyard kilovat-saata yaxın elektrik enerjisi istehsal edilib. Bu, 2012-ci ilin göstəricisini 0,6 faiz üstələyir.
2013-cü ildə istehsal edilən elektrik enerjisinin ümumi həcmindən 19,26 milyard kilovat-saat istilik elektrik stansiyalarının payına düşüb ki, bu da 2012-ci ilin analoji dövrünün göstəricisindən 2,7 faiz çoxdur. Ötən il su elektrik stansiyaları tərəfindən 1,37 milyard kilovat-saata yaxın elektrik enerjisi istehsal edilib ki, bu da 2012-ci ilin göstəricisindən 21,7 faiz azdır.
Son Xəbərlər
- 1
- 2
- 3
- 4
- 5
- 6
