Azərbaycanın neft tarixində önəmli hadisə gözlənilir

Azərbaycanın neft tarixində önəmli hadisə gözlənilir
Oxunma sayı: 3313

2017-ci ildə Azərbaycannın neft tarixində önəmli hadisə gözlənilir.

Bu barədə “Qafqazinfo”ya Neft Araşdırmaları Mərkəzinin rəhbəri İlham Şaban məlumat verib.

Onun sözlərinə görə, cari ildə Azərbaycan 2 milyard tonuncu neftini çıxarmağı planlaşdırır: “Belə bir statistika 1871-ci ildən aparılır və mənim özümün hesablamalarıma görə, 2 milyard tonuncu neft noyabr ayının ilk dekadasına təsadüf etməlidir. 2 milyard ton isə nə az nə çox, düz 15 milyard barel deməkdir. Düzdür, Azərbaycanda bu tarixdən əvvəl də neft hasil edilib, çünki Abşeronda ilk neft quyusu 1847-ci ildə qazılıb. Ancaq hasilat bu illərdə çox az olub. Təsəvvür edin ki, 1870-də Abşeronda illik hasilat heç 20 min tona da çatmırdi”.

Ekspert onu da xatırladır ki, 2016-cı ilin avqustunda təkcə “Azəri-Çıraq-Günəşli” blokunda 3 milyardıncı barel neft hasil edilmişdi ki, bu da həmin blokun Azərbaycan üçün nə qədər əhəmiyyətli olduğunu göstərir.

Günel Türksoy


Daha tez məlumatlanmaq üçün yeni Facebook səhifəmizi