“Formula 1”-ə görə bağlanan yollar yaxın günlərdə tam açılacaq.
Bu barədə “Qafqazinfo”ya Bakı şəhər Baş Polis İdarəsinin İctimaiyyətlə Əlaqələr şöbəsinin rəisi Vaqif Əsədov məlumat verib. O qeyd edib ki, sabah günorta saat 12-yə qədər Bakı Halqası ərazisi kimi tanınan yerlə kəsişən və bitişən yollardakı süni beton maneələr ilkin olaraq götürələcək: “Daha sonra mərhələlərlə qoyulmuş digər maneələr aradan götürüləcək. Narahatlığa əsas yoxdur. Qısa müddət ərzində qeyd olunan ərazilərdə hərəkət tam bərpa olunacaq”.
Günel Türksoy