Şəhərin Nizami və Xətai rayonlarının bəzi ərazilərində işıqlar sönüb.
“Qafqazinfo”nun məlumatına görə, “Azərişıq” ASC-nin mətbuat xidmətinin rəhbəri Tanrıverdi Mustafayev Musavat.com-a bildirib ki, buna səbəb Mərdəkandakı DRES-də baş verən nasazlıqdır.
Rəsmilər bildirir ki, ən qısa zamanda problem həllini tapacaq.
***
Tanrıverdi Mustafayev “Qafqazinfo”ya açıqlamasında bildirib ki, işıq təminatında problem Nizami və Xətai rayonları əsas olmaqla, Sabunçu və Xəzər rayonlarının da az hissəsində yaşanır:
“Nasazlıq “Azərişıq”dan qaynaqlanmayan səbəbdən baş verib. Hazırda öz daxili şəbəkə hesabımıza bəzi hissələrdə elektrik verilişini bərpa etmişik. Əməkdaşlarımız hadisə yerində tədbirlər görürlər”, - deyə qurum rəsmisi əlavə edib.
***
T. Mustafayev saytımıza bildirib ki, hazırda qeyd edilən ərazilərə elektrik verilişi bərpa edilib.
“Azərenerji” ASC-nin İctimaiyyətlə əlaqələr və mətbuat xidmətinin rəisi Yəhya Babanlı isə nasazlığın səbəbi barədə məlumatının olmadığını bildirib.