Bakıda “aşk” cinayəti
Ötən gün Bakının Binəqədi rayonu ərazisində, Şövkət Məmmədova küçəsində öldürülən 28 yaşlı gəncin qətlində şübhəli bilinən şəxs yaxalanıb. Binəqədi Rayon Polis İdarəsindən verilən məlumata görə, 1985-ci il təvəllüdlü Elçin Teyyub oğlu Allahverdiyev qadın tərəfindən bıçaqlanaraq öldürülüb. Saxlanılan şəxs 1979-cu il təvəllüdlü Mədinə Mürsəliyevadır. İlkin dindirilmə zamanı qadın törətdiyi cinayəti etiraf edib. Qadın 28 yaşlı gənci qısqandığı üçün öldürdüyünü deyib.
Gənci qətlə yetirən şəxs onun keçmiş sevgilisi olub. Belə ki, E.Allahverdiyevin bazar günü - 15 sentyabrda toyu olub. Ailəli qadın olan iki uşaq anası M.Mürsəliyevanın Elçinlə sevgi münasibətləri olub. Onu evləndiyinə görə qısqanan Mədinə toydan sonra aralarında olan münasibəti Elçinin həyat yoldaşına zəng edərək deyib. Elçin isə əsəbləşərək Mədinə ilə dava edib. Bunun üstündə də Mədinə bıçaqla onu öldürüb.
Faktla bağlı Cinayət Məcəlləsinin qəsdən adam öldürmə (120.1-ci) maddəsi ilə cinayət işi başlanıb. /Milli.az/
Son Xəbərlər
- 1
- 2
- 3
- 4
- 5
- 6
