Bakının Nəsimi rayonunda uşağın vurulması ilə nəticələnən yol-nəqliyyat hadisəsi baş verib.
“Qafqazinfo” APA-ya istinadən xəbər verir ki, hadisə Nəsimi rayonu, Vaqif küçəsi, 5 ünvanında qeydə alınıb.
Milliyyətcə ərəb turist kirələdiyi “KİA sorento” markalı avtomobillə 2013-cü il təvəllüdlü Səlimov Səlim Arıf oğlunu vurub. Hadisə nəticəsində uşaq ağır xəsarət alıb.
Yaralı 1 saylı şəhər xəstəxanasına gətirilib, dərhal reanimasiya şöbəsinə yerləşdirilib.
Faktla bağlı Nəsimi Rayon Polis İdarəsində araşdırma aparılır.