Bakıda faciəvi hadisə - 28 yaşlı qız prospektin ortasında öldü

Bakıda faciəvi hadisə
Oxunma sayı: 7419

Bakıda ölümlə nəticələnən yol qəzası baş verib. 

“Qafqazinfo” Lent.az-a istinadən xəbər verir ki, dünən saat 18:30 radələrində Nizami rayonu ərazisində - Qara Qarayev prospektində naməlum avtomobil yolu keçən 28 yaşlı qızı vurub. Ağır xəsarət alan gənc qız hadisə yerində vəfat edib.

Hadisə şahidləri bildiriblər ki, piyadanı “Fiat Doblo” markalı avtomobil vurub. Sürücü qəzadan sonra nəqliyyat vasitəsi ilə birgə uzaqlaşıb.

Hazırda qəzanı törədən sürücü və nəqliyyat vasitəsinin tapılması istiqamətində iş aparılır.

Faktla bağlı Nizami rayon Polis İdarəsində cinayət işi açılıb.


Daha tez məlumatlanmaq üçün yeni Facebook səhifəmizi