Bakıda yoxa çıxan 13 yaşlı məktəbli tapılıb - Yenilənib
Bakıda 13 yaşlı məktəbli qız itkin düşüb.
“Qafqazinfo” Baku.ws-ə istinadən xəbər verir ki, 4-cü mikrorayonda yerləşən 5 saylı orta məktəbin VII sinif şagirdi Aydan Əliyevadan dünəndən xəbər yoxdur.
O, dərsləri bitdikdən sonra - saat 13.00 radələrində məktəbi tərk edib, lakin evə gedib çıxmayıb.
Tanışları onu sonuncu dəfə 13.14-də Zərifə Əliyeva adına Göz Klinikasının yanında görüblər.
Aydan ailəsi ilə birlikdə 9-cu mikrorayonda yaşayır. Onun üstündə mobil telefon olmayıb.
Valideynləri onun itkin düşməsilə bağlı polisə müraciət ediblər. Nəsimi rayon 19-cu Polis Bölməsindən bildiriblər ki, Aydan Əliyevanın axtarışları davam edir. Hələlik heç bir nəticə yoxdur.
Aydanı görənlərdən DİN-nin 102 qaynar xəttinə və ya (55)207-81-11 nömrəsinə zəng edərək məlumat vermək xahiş olunur.
***
Aydan Əliyeva paytaxtın "Malakan bağı" adlanan ərazisindən tapılaraq, aidiyyəti üzrə təhvil verilib.
Son Xəbərlər
- 1
- 2
- 3
- 4
- 5
- 6
