Bakıdakı forumda müzakirələr bu gün də davam edib

bakidaki-forumda-muzakireler-bu-gun-de-davam-edib
Oxunma sayı: 770

Bakı şəhərində Beynəlxalq Sosial Təminat Assosiasiyasının (BSTA) Avropa Regional Sosial Təminat Forumu bu gün “Sosial təminatın idarə olunmasında mükəmməllik və yenilik” mövzusunda müzakirələrlə davam edib.

"Qafqazinfo" xəbər verir ki, BSTA-nın xəzinədarı, Rusiya Pensiya Fondunun İdarə Heyətinin sədr müavini Nikolay Kozlovun moderatorluğu ilə bu mövzuda keçirilən panel iclasda Birləşmiş Millətlər Universitetinin sosial yönümlü elektron idarəetmə üzrə əməliyyat bölməsinin tədqiqatçısı Morten Meyerhof Nilsenin sosial təminat sistemində innovativ idarəçiliyə dair çıxışı dinlənilib.

Əmək və Əhalinin Sosial Müdafiəsi nazirinin müavini Anar Kərimov, Niderlandın Sosial Sığorta Bankının İdarə Heyətinin sədri Simon Simba və Estoniyanın Milli Sosial Sığorta Şurasının Baş direktoru Eqon Vermaye isə mövzuya dair məruzələrlə çıxış ediblər. 

Sonra “Sosial təminatın mükəmməl idarə olunmasına innovativ yanaşmalar” mövzusunda paralel sessiyalar keçirilib. Sessiyalarda sosial təminatda əhatəliliyin və inklüzivliyin artırılması, xidmətlərin təkmilləşdirilməsi, önləyici tədbirlərin və reabilitasiyanın, maliyyə dayanıqlığının gücləndirilməsi, Avrasiyada əməkçi miqrantların sosial müdafiəsi və s. məsələlər müzakirə olunub.

Xatırladaq ki, Forumda BSTA-dan, digər beynəlxalq qurumlardan və 35 ölkədən 140-dan çox nümayəndə iştirak edir.