“Akkord” əməkdaşlarına ölkə başçısının mükafatları təqdim edilib - Fotosessiya

akkord-emekdaslarina-olke-bascisinin-mukafatlari-teqdim-edilib-fotosessiya
Oxunma sayı: 659

Tədbirdə respublikamızın inşaat-tikinti sektorunun liderlərindən olan “Akkord Sənaye Tikinti İnvestisiya Korporasiyası” ASC-nin müvafiq sərəncamla mükafatlandırılmış nümayəndələri - İsmayılov Aslan Çopur oğlu və Orucov Rəhman Əli oğlu da iştirak ediblər. Prezident Sərəncamına uyğun olaraq Korporasiyanın İnfrastruktur Tikintisi Departamentinin körpü-tunel tikintisi üzrə direktoru Aslan İsmayılova “Əməkdar mühəndis” fəxri adının medalı və vəsiqəsi, həmin departamentin Texniki Şöbəsinin rəisi Rəhman Orucova isə, “Tərəqqi” medalı və vəsiqəsi təqdim edilib.

“Akkord”un İctimaiyyətlə Əlaqələr Şöbəsinin rəhbəri Afaq Quliyevanın “Qafqazinfo”ya verilən məlumata görə, iyulun 4-də Korporasiyasının rəhbər və işçi kollektivi bu əlamətdar hadisə münasibətilə təşkil edilən korporativ tədbirdə öz həmkarlarını təbrik edib və onlara xatirə hədiyyələri təqdim ediblər. Mükafata layiq görülmüş əməkdaşların icra etdikləri layihələrdən biri Heydər Əliyev, Babək və Şah İsmayıl Xətai prospektlərinin kəsişməsindəki körpü-tunel kompleksidir.

Nigar Məmmədli