Yeni filialda müştərilərə çevik və rahat xidmət üçün peşəkar komanda, rahat xidmət sahəsi və müasir avadanlıq, ictimai nəqliyyat dayanacağının yaxınlığı, bankomat və ödəniş terminallarının fasiləsiz xidmət zonası yaradılıb.

Müştərilər ”Yeni Günəşli” filialında:

* istehlak kreditləri rəsmiləşdirə,

* kiçik və orta sahibkarlıq üçün kredit əldə edə,

* əmanət yerləşdirə,

* hesablaşma xidmətlərindən faydalana,

* pul köçürə,

* kredit və taksit kartları əldə edə

və bir çox digər xidmət və məhsullardan bəhrələnə bilərlər.

Filialın açılışı münasibətilə “Bank of Baku”-nun Baş Direktoru Fərid Əlizadə bildirib: “Günəşli və Yeni Günəşli müasir Bakının ilk və izdihamlı yaşayış massivlərindən biridir.Yeni filialın açılmasının mümkünlüyünü müəyyən edərkən biz bank xidmətlərinin şəhərimizin bu hissəsində təmsil edilmədiyinə fikir verdik. Müştəri və tərəfdaşlarımıza daha yaxın olmaq prinsipimizi rəhbər tutaraq, biz burada ən yüksək standartlara cavab verən filial təsis etmək qərarına gəldik.Eyni zamanda vurğulamaq istərdim ki, yeni filialda kiçik və orta sahibkarlığın kreditləşməsinə xüsusi diqqət yetiriləcək”.

Xatırladaq ki, 2013-cü ilin fevral ayında “Bank of Baku”-nun Müşahidə Şurası bankın strateji inkişaf proqramını təsdiq etmişdir. Proqramın əsas cəhətlərindən birini paytaxt və regionlarda filial şəbəkəsinin genişləndirilməsi təşkil edir. Ötən müddət ərzində bank tərəfindən Bakı və regionlarda 7 yeni filial açılıb. Nəticədə bankın filial şəbəkəsi 40% genişlənib. “Bank of Baku”-nun strateji inkişaf proqramının icrası davam etdiriləcək.

Yeni filial bu ünvanda yerləşir:Suraxanı rayonu,Yeni Günəşli qəsəbəsi, “D” yaşayış massivi,Günəşli küçəsi.“Bank of Baku”-nun yeni filialı bazar ertəsindən şənbəyə kimi 9.00-17.00 arası müştərilər üçün açıqdır. Bankın filialları nahar fasiləsiz işləyir.