Avqustun 17-də Barselonada törədilən terror aktında avtomobili insanların üzərinə sürən terrorçu saxlanılıb.
“Qafqazinfo” xarici KİV-ə istinadən xəbər verir ki, 22 yaşlı Mərakeş əsilli terrorçu Yunus Əbu Yaqub Barselona əyalətinin San-Sadurni-dAnoyya şəhərində tutulub.
Xatırladaq ki, terrorçu avqustun 17-də Barselonada avtomobili küçədə 530 metr məsafədə insanların üzərinə sürüb və qarşısına çıxanı əzib. Hadisə nəticəsində 15 nəfər ölüb, 130 nəfər isə yaralanıb. Teraktı İŞİD terror təşkilatı öz üzərinə götürüb.