“Başqasının özəlini açan hələ xeyir tapmayıb” - Ayseldən yazdı

“Başqasının özəlini açan hələ xeyir tapmayıb”
Oxunma sayı: 4592

Müğənni Natavan Həbibi son günlər gündəmi zəbt edən Aysel Əlizadə barədə açıqlama verib.  “Qafqazinfo” xəbər verir ki, o, instaqramda mövzu barədə şərh yazaraq  bu hadisənin tezliklə unudulacağını bildirib:

“Bu illər nələri yaddaşdan silib. Tamaşaçının indi dağ başına qaldırdığı ulduzların, bir çoxları üçün ideal olanların elə səhvlər və hərəkətləri unudulub ki... Söhbət heç tək bizim sənətçilərimizdən getmir, dünya ulduzlarının həyatlarında da çətin məqamlar yaşanıb, amma sonu nədir?

Reklam və gündəmdən başqa bir şey deyil. İnsanlar 3-4 gün danışıb, yeni mövzu ortaya çıxana qədər vaxtlarını doldurub başını qatarlar. Çünki hərənin öz dərdi, problemi və özəl həyatı var. Və təbii ki, səhvsiz insan yoxdur. Kimsə böyük danışmasın. 

Başqasının sirrini, özəlini açan hələ xeyir tapmayıb. İnsan özünü və uşaqlarını düşünsə, heç ağzını açmaz, amma heyiflər olsun ki, bir çoxları sadəcə danışmaq üçün danışır. Düşünmür bunun bədəlinin nə qədər ağır olduğunu...

Nəticədə isə olan sənətçiyə və onun ailəsinə olur. Amma o da çətin olsa da, yenə unudulur. Demək istədiyim odur ki, hər bir halda çox da dərinə getməyin. Kimin günahı var, özü bilər”.

Xatırladaq ki, Elçin Nəcəfov adlı iş adamının xanımı Turanə Nəcəfova “Səni axtarıram” proqramında 13 illik ailəsinin Ayselə görə dağıldığını iddia edib.  Müğənni isə bunun böhtan olduğunu qeyd edib. 


Daha tez məlumatlanmaq üçün yeni Facebook səhifəmizi