Avropa çempionatı Azərbaycanda keçiriləcək
Azərbaycan Futbol Federasiyaları Assosasiyasının (AFFA) baş katibi Elxan Məmmədov çərşənbə axşamı Trend-ə bildirib ki, UEFA-nın İstanbulda keçirilən İcraiyyə Komitəsinin iclasında 2016-cı ildə 17 yaşlı oğlanlar arasında futbol üzrə Avropa çempionatının Azərbaycanda keçirilməsi barədə qərar qəbul edilib.
Məmmədov bildirib ki, Azərbaycan çempionatın ölkəmizdə keçirilməsi üçün son 4-5 ayda iş aparırdı.
"Çempionatın keçirilməsi üçün Azərbaycan UEFA-ya müraciət etmişdi. Bu gün UEFA-nın İcraiyyə Komitəsində müsbət qərarın qəbul edilməsi Azərbaycanın uğurudur" Məmmədov əlavə edib.
Qeyd edək ki, Azərbaycan 17 yaşlı qızlar arasında 2012-ci il dünya çempionatına da ev sahibliyi edəcək.
Son Xəbərlər
- 1
- 2
- 3
- 4
- 5
- 6
