Aygün Kazımovanın keçmiş əri yenidən həbs edildi - Eksklüziv
Xalq artisti Aygün Kazımovanın keçmiş həyat yoldaşı İlqar İbrahimov yenidən həbs olunub. “Qafqazinfo” xəbər verir ki, o təxminən 4 gün əvvəl müalicə olunduğu 5 saylı Xəstəxanadan Şüvəlanda yerləşən Cəzaçəkmə Müəssisəsinə aparılıb. Redaksiyamıza məlumat verən mənbə bildirib ki, İ. İbrahimov cəzasının 2/3-ni çəkdiyi üçün bir müddət əvvəl 1/3-lə azad olunub. O, Tağıyev qəsəbəsində yerləşən 6 saylı Xüsusi Tipli Cəzaçəkmə Müəssisəsində (komendatura) qeydiyyatda olub. Məlumatda qeyd olunur ki, İ. İbrahimov bir müddət əvvəl infarkt keçiribmiş və 5 Nömrəli Xəstəxanada müalicə olunurmuş. Pentensiar Xidmətin əməkdaşları onun həbs olunmasına heç bir səbəb göstərməyiblər. Sadəcə bildiriblər ki, Xüsusi Tipli Cəzaçəkmə Müəssisəsinin rəisi onlara belə bir tapşırıq verib.
Ədliyyə Nazirliyinin Pentensiar Xidmətinin mətbuat xidmətindən Qafqazinfoya bildirilib ki, bu barədə onlar heç bir açıqlama verə bilməzlər: “Məhkumun yerinin dəyişdirilməsi ilə bağlı məsələlər yalnız onların razılığı ilə ola bilər». Mətbuat xidmətindən o da bildirilib ki, Xüsusi Tipli Cəzaçəkmə Müəssisəsində olan məhkum Cəzaçəkmə Müəssisəsinə o halda aparılır ki, o islah olunmur və qəsdən rejim qaydalarını pozur: «Bütün bu proseslər isə məhkəmə qərarları ilə həyata keçirilir».
Son Xəbərlər
- 1
- 2
- 3
- 4
- 5
- 6
