Bu günlərdə “Qafqazinfo”ya insanları dəhşətə gətirəcək məhkəmə işi ilə bağlı hökm, həmin işin istintaq çəkilişlərinə aid olan fotolar daxil olub. Həmin materialı və fotoları heç bir şərh vermədən təqdim edirik.

Bakı Ağır Cəza Məhkəməsində kişiləri zorlayaraq qətlə yetirən manyaka hökm oxunub. Cəlilabad rayonunun Musalı kəndində anadan olan Şirvan Mirzəyev 18 iyun 2007-ci il tarixdə, saat 24:00 radələrində Bakı şəhəri, Qaradağ rayonu, Qızıldaş qəsəbəsi ərazisində yerləşən 9 saylı daş karxanasında gözətçi işləyən tanışı Cəfərov Xanoğlan Abbasxan oğlu ilə həmin karxananın gözətçi otağında spirtli içki qəbul etdikdən sonra aralarında yaranmış mübahisə zəminində ona qarşı zor tətbiq edərək təpiklə sifət nahiyəsinə vurub stuldan arxası üstə yerə yıxıb. Aldığı zərbədən Xanoğlanın baş nahiyəsi yerdə olan mişar daşına dəyərək yaralanıb. Bundan sonra Ş.Ə.Mirzəyev X.A.Cəfərovu yaxasından tutub yerdən qaldıraraq dizi ilə sinəsinə, ağız nahiyyəsinə, həmçinin yumuruğu ilə bədəninin müxtəlif nahiyyələrinə çoxsaylı zərbələr endirərək onu taqətdən salmış və əl-qolunu qara rəngli naqillə bağlayaraq köməksiz vəziyyətə gətirib, sonuncunun əynindəki şalvarını və alt paltaranı aşağı çəkərək xüsusi amansızlıqla onun arxa keçəcəyindən cinsi əlaqədə olaraq uşaqbazlıq edib.

Bundan sonra Ş.Mirzəyev törətdiyi həmin cinayəti gizlətmək məqsədilə Xanoğölanı öldürmək qərarına gəlib. Yerdən götürdüyü dəmir parçası ilə onun baş nahiyyəsinə çoxsaylı zərbələr endirib.

Bundan başqa təqsirləndirilən Ş.Mirzəyev 09 aprel 2008-ci il tarixdə, saat 21:00 radələrində Qaradağ rayonunun Qızıldaş qəsəbəsində "Sarıqaya" adlanan ərazidə yerləşən daş karxanasında gözətçi işləyən Nəcəfov Oruc Nəcəf oğlu ilə karxananın gözətçi otağında spirtli içki qəbul etdikdən sonra aralarında yaranmış mübahisə zəminində sonuncuya qarşı zor tətbiq edərək ayağı ilə onun döş qəfəsinə, yumuruq və təpiklə isə bədəninin digər nahiyyələrinə ardıcıl zərbələr endirərək onu yerə yıxıb. Otaqdan götürdüyü baltanın küt hissəsilə zərərçəkmiş O.Nəcəfovun baş nahiyyəsinə o, huşunu itirənədək bir neçə zərbə vurub. Bundan sonra təqsirləndirilən Ş.Ə.Mirzəyev zərərçəkmiş O.Nəcəfovun əl-qolunu taxta divanın üstündən götürdüyü köynəklə bağlayıb köməksiz vəziyyətə gətirib. Onun əynindəki şalvarını və alt paltarını aşağı çəkərək xüsusi amansızlıqla arxa keçəcəyindən cinsi əlaqədə olub. Ş.Mirzəyev daha sonra törətdiyi həmin cinayəti gizlətmək məqsədilə zərərçəkmiş O.Nəcəfovu öldürmək qərarına gəlib, balta ilə onun baş nahiyyəsinə çoxsaylı zərbələr endirərək qətlə yetirib.
Daha sonra Şirvan Mirzəyev 30 may 2010-cu il tarixdə Bakı şəhəri, Nəsimi rayonu A.Mustafayev küçəsində tanış olduğu İbrahimov Famis Nəriman oğlu ilə həmin gün gecə saat 03:00 radələrində elə həmin küçədə yerləşən keçmiş şəhərlərarası avtovağzalın su anbarları ərazisində birlikdə spirtli içki qəbul edərkən sərxoşluq zəminində aralarında baş vermiş münaqişə zamanı Famis İbrahimova qarşı zor tətbiq edərək bıçaqla vurub. Yerə yıxılandan sonra onu da zorlayaraq qaçıb.

Lakin aparılan istintaq araşdırmaları nəticəsində bu manyakı yaxalamAq mümkün olub. Məhkəmənin hökmü ilə Şirvan Mirzəyev Cinayət Məcəlləsinin 150.2.3, 150.2.4, 150.2.5, 120.2.4, 120.2.6 və 120.2.10-cu maddələri ilə təqsirləndirilirək ömürlük azadlıqdan məhrunm edilinb.