Azərbaycanda minimum əməkhaqqı artırıldı
Prezident İlham Əliyev Azərbaycanda minimum əməkhaqqının artırılması ilə bağlı sərəncam imzalayıb. “Qafqazinfo” prezidentin saytına istinadən xəbər verir ki, İ. Əliyev Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Azərbaycan Respublikasında əhalinin maddi rifahını daha da yaxşılaşdırmaq və sosial müdafiəsini gücləndirmək məqsədi ilə qərara alıb:
1. Minimum aylıq əməkhaqqının məbləği 2011-ci il dekabrın 1-dən 10 faiz artırılaraq 93,5 manat müəyyən edilsin.
2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
3. “Minimum aylıq əməkhaqqının artırılması haqqında” Azərbaycan Respublikası Prezidentinin 2010-cu il 31 avqust tarixli 1078 nömrəli Sərəncamı (3-cü hissə istisna olmaqla) ləğv edilsin.
Qeyd edək ki, Azərbaycanda minimum əməkhaqqı 85 manat olub.
Son Xəbərlər
- 1
- 2
- 3
- 4
- 5
- 6
