Ceyhun Sultanov “Kəpəz”dən niyə ayrılıb? – Müsahibə
“Kəpəz” klubunun futbolçusu Ceyhun Sultanov komandadan ayrılıb.
Gəncə təmsilçisi ilə müqavilə müddəti başa çatan futbolçu bu müddəti uzatmağa razılıq verməyib. 32 yaşlı yarımmüdafiəçi bu barədə “Qafqazinfo”ya müsahibə verib:
- “Kəpəz”dən ayrılmağın barədə məlumat yayılıb.
- Bəli, komandadan gedirəm. Bildiyiniz kimi, “Kəpəz”lə müqaviləmin müddəti başa çatıb. Klub yeni müqavilə təklif etsə də, razılaşmadım.
- Komandadan getməyinə nə səbəb oldu?
- Şərtlərdə anlaşa bilmədik. Düzünü desəm, maliyyə şərtləri məni qane etmədi. Bu səbəbdən “Kəpəz”də qalmaq istəmədim.
- Hər hansı klubdan təklif varmı?
- Var. Bir neçə komanda xidmətimdə maraqlıdır. Danışıqlar gedir. Hələ ki dəqiq bir şey olmadığından adlarını açıqlamaq istəmirəm.
- AZAL-a transfer olunacağın haqda xəbərlər doğrudur?
- Mətbuatda yalan xəbərlər yayırlar. Nəinki transfer, mən heç AZAL-la danışıq da aparmamışam. Bu xəbərlərin haradan qaynaqlandığını bilmirəm.
- Transfer məsələn nə zaman müəyyənləşəcək?
- Hələ ki danışıqlar aparıram. Sabah hər şeyə aydınlıq gələcək. Hansı klubla anlaşdığımı da açıqlayacam.
Ceyhun Əhmədov
Son Xəbərlər
- 1
- 2
- 3
- 4
- 5
- 6
